Nr. 79

Hljóðdempandi veggpanelar úr felt efni sem Flöff framleiðir úr endurunnum textíl og afgangs íslenskri ull. Panelarnir sameina hönnun og virkni, þeir setja svip á rýmið um leið og þeir hjálpa til við að mýkja hljóðvistina.

Áferð og litbrigði efnisins ráðast af hráefninu sem fer í framleiðsluna og því eru engir tveir panelar nákvæmlega eins. Hver panell ber þannig með sér sögu efnis sem hefur fengið nýtt hlutverk.

Einn á vegg eða heill flötur.

Panelarnir eru hannaðir til að standa einir og sér eða raðast saman í stærri samsetningar. Þannig getur þú skapað þína eigin útgáfu með mismunandi formum, litum og uppröðun. Hægt er að hengja þá upp langsum eða þversum.