Starfsemi Flöff byggir á samspili hönnunar, nýsköpunar og sjálfbærrar nýtingar hráefna.

Sagan okkar

Flöff varð til árið 2024 út frá einfaldri hugmynd: að skapa nýja möguleika fyrir textíl í hringrásarhagkerfi. Við eigum það allar sameiginlegt að hafa unnið með textíl á ólíkan hátt í gegnum árin. Sú fjölbreytta reynsla og sérþekking sem við búum yfir hefur verið mikilvægur grunnur í uppbyggingu Flöff. 

Á Íslandi falla til um 10 tonn af textíl á hverjum degi. Sem hönnuðir sjáum við tækifærin í því að koma þessu dýrmæta hráefni aftur í hringrás og höfum unnið markvisst að því að koma upp framleiðsluferli sem gerir okkur kleift að endurvinna gamlan textíl í ný verðmæti.

Við leggjum áherslu á að þróa vörur og lausnir þar sem eiginleikar, áferð og uppruni efnisins fá að njóta sín. Markmið okkar er að skapa vettvang þar sem fólk, fyrirtæki og samfélög geta tekið þátt í að draga úr sóun, styrkja hringrás og þróa raunverulegar lausnir sem nýtast til framtíðar.